II İohan Pavelin həyatda qalması tale idi.

Axar.az xəbər verir ki, bunu “Mirror” qəzetinə müsahibəsində II İohan Pavelə sui-qəsd təşkil edən türkiyəli Məhməd Əli Ağca deyib.

“Ölmədiyi üçün çox xoşbəxtəm. Papa mənim üçün qardaş kimi olmuşdu. 2005-ci ildə öləndə qardaşım, ya da ən yaxşı dostumun öldüyünü hiss etdim. Papanı necə vurduğumu hər gün olmasa da, tez-tez düşünürəm. Artıq yaxşı adamam. Həyatımı düzgün şəkildə yaşamağa çalışıram”, - deyə o bildirib.

Sui-qəsdlə bağlı danışan Ağca həmçinin insidentdən öncə ingilis sevgilisi olduğunu da etiraf edib. O, həmçinin, başına gələnlərlə bağlı film çəkilməsini də istəyib.

Qeyd edək ki, Ağca Papaya qarşı 1981-ci ildə sui-qəsd təşkil etmişdi. Sui-qəsd zamanı Papa yaralansa da, həyatını xilas etmək mümkün olmuşdu.

Ağca isə uzun illər buna görə həbsxanada məhkum həyatı yaşamışdı.