Çexiya Baş naziri Andrey Babiş “Vol Strit Jurnal” qəzetinə müsahibəsində ölkəsinin yeni adını tənqid edib.

Axar.az xəbər verir ki, Babiş Çexiyanın ingiliscə adının (Czechia) Çeçenistan (Chechnya) adına çox bənzədiyini bildirib.

“Çeçenistan və Çexiya adlarının qarışdırılıb-qarışdırılmayacağını bilmirəm. Bu, mənim xoşuma gəlmir. Biz Çex Respublikasıyıq, biz çexlərik. Mən bilmirəm ki, belə axmaq ideya kimin ağlına gəlib”, – deyə o söyləyib.

Qeyd edək ki, Çex Respublikası adının Çexiya ilə əvəzlənməsinə 2016-cı ildə start verilib. Adın dəyişdirilməsi təşəbbüsü ilə Prezident Miloş Zeman çıxış edib.