Birləşmiş Millətlər Təşkilatının sülhməramlı səfiri, ingilis aktrisası Emma Votson sürücünün təcavüz cəhdinə müqavimət göstərdiyi üçün vəhşicəsinə qətlə yetirilən 20 yaşlı türkiyəli tələbə Özgəcan Aslana görə mini yubka geyinən kişilərə dəstək verib.

Axar.az xəbər verir ki, ictimai hadisələrə həssaslığı ilə tanınan aktrisa bu hadisəyə Tvitter sosial şəbəkəsindəki hesabında mini yubka geyinən kişilərin xəbərini "İrəli, türk kişiləri" şərhi altında paylaşmaqla dəstək verib.

Qeyd edək ki, aktrisa bir müddət əvvəl Baş nazir köməkçisi Bülənt Arınçın "Qadınlar iffətli olmalıdır, hamının arasında qəhqəhə çəkib gülməməlidir" sözlərinə qəhqəhə çəkdiyi yerdə fotosunun üzərinə "Direnkahkaha" şərhi yazaraq Tvitterdə paylaşmaqla etiraz etmişdi.