ABŞ Avropa, Asiya və Sakit okeandakı adalara uzaq mənzilli raketlərin yerləşdirilməsi üçün zəmin hazırlayıb.

Axar.az xəbər verir ki, bu açıqlama ilə Rusiya Xarici İşlər naziri Sergey Lavrov çıxış edib.

Fransızlarla görülən işlərin yetərli olmayacağını və ABŞ-ın konkret danışıqlarda iştirak etməli olduğunu qeyd edən Lavrov Orta və Yaxın Mənzilli raketlərin ləğvi anlaşmasını ABŞ-ın pozduğunu vurğulayıb.

Lavrov ABŞ-ın sözügedən silahları Avropada və xüsusən Asiyada fəal şəkildə istifadə etdiyini bildirib.

Rusiyalı diplomat ABŞ-ın bunu gizlətmədiyini və raketlərin Yaponiya, Cənubi Koreya və Sakit okean bölgələrində yerləşdirilməsinin müzakirə edildiyini bəyan edib.