Ana səhifə Planet |
İrlandiyanın Kork qraflığı sahilində Tanzaniya bayrağı altında üzən 77 metrlik MV-Alta yük gəmisi aşkar edilib.
Axar.az RİA-ya istinadən xəbər verir ki, gəminin göyərtəsində ekipaj heyəti olmayıb.
Sahil Mühafizə Xidmətinin əməkdaşı açıqlamasında olayı olduqca qeyri-adi hadisə kimi xarakterizə edərək, gəminin tufan səbəbindən sahilə gəldiyini bildirib.
Məlumatda vurğulanır ki, sözügedən gəmi təxminən yarım əvvəl Afrika sahillərində görünüb və 2018-ci ilin sentyabrında isə Bermud adalarının cənub-şərqindən keçib.
Ehtimal edilir ki, həmin vaxt gəminin ekipajı xilas edilsə də, gəmi sıradan çıxıb.
Olayı şərh edən Sahil-Xilasetmə Qrupunun meneceri Con Tattan deyib ki, belə uzun marşrut “xəyalət-gəmi” üçün olduqca nadir hallarda müşahidə edilir.
Bundan əlavə, gəmi kapitanının tapılması cəhdləri uğursuzluqla nəticələnib.
Tarix
2020.02.18 / 01:41
|
Müəllif
Kamran Ədalət
|