Türkiyə qadınların zövqünə uyğun rəngli silah istehsalına başlayıb.

Axar.az türk mediasına istinadən xəbər verir ki, Girəsun əyalətində silah istehsal edən bir firma maraqlı bir addım atıb.

Firma qadınlar üçün çəhrayı, qırmızı, mavi və sarı kimi fərqli rənglərdə tapança istehsalına başlayıb. ABŞ, Yaxın Şərq və Cənubi Amerika ölkələri başda olmaqla 40 ölkəyə tapança və tüfəng ixrac edən Girəsundakı firma bu addımı ilə qadınların diqqətini çəkməyə çalışıb.

Firmadan verilən məlumata görə, silah almaq üçün müraciət edənlər arasında qadınların üstünlük təşkil etməsi onların belə bir addım atmalarına səbəb olub. Bu günə qədər ancaq qara rəngdə istehsal edilən tapançalar bundan sonra qadınların zövqünə uyğun rənglərdə də olacaq. Üstəlik, rəngli silahların ölçüləri də digərlərinə nisbətən incə olacaq ki, bu da xüsusilə qadınlar üçün nəzərdə tutulub.