Ermənistanla ikitərəfli müqavilənin imzalanması Rusiyaya gələn cinayətkarların sayının artması deməkdir.

ANS xəbər verir ki, bu barədə Rusiya Liberal-Demokrat Partiyasının (LDPR) lideri Vladimir Jirinovski Dövlət Dumasında Ermənistan vətəndaşlarının Rusiyaya gəlməsi barədə ikitərəfli müqaviləsinin müzakirəsi zamanı bildirib.

"Ruslar Ermənistandan gizlənə bilməzlər, bu ölkə təkmillətlidir və ruslar dərhal tanınır. Rusiya isə çoxmillətli ölkədir, burda gəlmələr elə də tanınmır. Biz bu sazişi təsdiq edirik. Bəlkə bir özümüzə sual verək: bu, bizim ölkəyə gələn cinayətkarların sayını artırmayacaq ki?" - deyə LDPR lideri sual verib.

Erməni mətbuatı dərhal özündən çıxıb və Jirinovskinin Bakıya səfəri zamanı Azərbaycan barədə dediklərini xatırlayıb. "Azərbaycan bu gün rentabelli dövlətdir. Bakı heç kimdən heç nə istəmir və heç kimin altına uzanmır" - deyə Jirinovski onda bildirmişdi.

Erməni jurnalistləri LDPR liderinin hər iki ifadəsini tutuşduraraq Ermənistanın ciddi şəkildə təhqir olunduğunu vurğulayırlar. Onların fikrincə, Jirinovski əslində Ermənistanın başını girələmək üçün istənilən yola getdiyini deyib və erməniləri faktiki olaraq söyüb.