"Kreml hakimiyyətdən narazı olan ukraynalılardan istifadə edərək "yeni Maydan" hazırlamağı planlaşdırır".

Axar.az xəbər verir ki, bu barədə "Sandey Tayms" qəzeti məlumat yayıb.

Qəzet rus kəşfiyyatının bundan istifadə edərək hökumətin diqqətini şərqdən yayındırmaq istədiyini bildirib:

"Xüsusi diqqət Ukraynanın qərbinə yönələcək. Rus kəşfiyyatı Poroşenkoya yönəlmiş etirazlara yol açan ictimai qəzəbdən istifadə edərək hökumətin diqqətini şərqdən yayındırmaq istəyir. Onların əsas məqsədi - yeni Maydana səbəb olacaq milliyyətçi iğtişaşlardır ki, bunun da nəticəsi iqtisadi və siyasi xaosa gətirib çıxaracaq. Bu yaxınlarda olan hadisələrdən sonra buna nail olmaq çətin başa gəlməyəcək".