Ukraynanın şərqinə sülhməramlıları göndərmək üçün ən azı 6 ay vaxt lazımdır.

Axar.az xəbər verir ki, bu açıqlama ilə Ukraynanın BMT-dəki nümayəndəsi Vladimir Vasilenko çıxış edib. Vasilenko bildirib ki, məsələ ilə bağlı Təhlükəsizlik Şurası sənədləşmə işini həll etmək üçün ölkələrlə müqavilələri imzalamalıdır:

"Sülh missiyasının göndərilməsinə ən azı yarım il vaxt lazımdır, ancaq bu mərhələdə Rusiya istənilən qərarı verə bilər. Bu isə prosesin ləngiməsi demək olacaq. Missiyanın maliyyələşdirilməsini təmin etmək lazımdır. Maliyyələşdirilmə məsələsini isə 5-ci komitə həll edir. Rusiya da bu komitə üzvü olan ölkələrə təsir etmək gücünə malikdir".