10:18

Almaniyanın qərbində, Frankfurt şəhərinin 25 kilometrliyində yerləşən Hanau qəsəbəsində iki kafeyə hücum olunub.

Axar.az xəbər verir ki, hücum zamanı 8 nəfər öldürülüb, bir nəfər yaralanıb.

Hücum edilən kafelər türklərə məxsus olub. Ölən 8 nəfərdən 5-nin türk olduğu bildirilib.

Avropa mediası isə kafelərə hücumun səbəbinin irqçilik olduğunu yazıb. Hücumu həyata keçirən şəxslərdən biri olan Tobias R. insidentdən dərhal sonra öz evində anası ilə birlikdə ölü halda tapılıb. Tobias R.-in həmçinin hücumla əlaqədar irqçi məktub və video buraxdığı müəyyən edilib.

“Bild” qəzeti bu şəxsin ultrasağçı olmasına dair məlumat yayıb.