Gürcüstanın keçmiş Baş naziri Vano Merabişvili həbsdən azad edilib.

Axar.az xəbər verir ki, bu məlumatı “Sputnik Gürcüstan” yayıb.

Qeyd edək ki, Merabişvili Gürcüstanda ən uğurlu reformların müəllifidir. Merabişvili sayəsində ölkədə cinayətkarlıq səviyyəsi həddən artıq aşağı enib. Bir müddət sonra isə Merabişvili qanuni oğrularla savaşa start verib.

Merabişvili 2013-cü ildə həbs edilmişdi. O, 2011-ci ildə Tiflisdəki aksiyaların dağıdılmasında, 2012-ci il parlament seçkisində seçicilərin alınmasında, 2005-ci ildə deputat Valeriya Gelaşvilinin döyülməsində, “İmedi” televiziyasına hücumun təşkilində günahkar bilinib.

Merabişvili 6 il 9 ay həbs cəzasına məhkum olunmuşdu.