Dünya Bankı öz saytında “Xarici yardımların elitalar tərəfindən mənimsənilməsi. Ofşor hesablarla şahidlik” tədqiqatını yayımlayıb.

Axar.az xəbər verir ki, tədqiqatda 22 ölkənin adı yer alıb. Buraya xüsusilə güzəştli kreditlər və qrantlardan asılı olan ölkələrin adları daxil edilib.

Tədqiqata əsasən, bu ölkələr ümumdaxili məhsullarının 1%-i həcmində yardım alırlar və bundan sonra bu pulların orta hesabla 7,5%-i ofşorlara axmağa başlayır.

MDB zonasından siyahıya Qırğızıstan və Ermənistanın adı daxil edilib. Ümumilikdə siyahıda Əfqanıstan, Burkina-Faso, Qana, Qvineya-Bisau, Zambiya, Mavritaniya, Madaqaskar, Mozambik, Malavi, Mali, Niger, Ruanda, San-Toma və Prinsipi, Syerra-Leone, Tanzaniya, Uqanda, Eritreya, Efiopiyanın adları daxil olub.