"Ötən ilin martında yoxa çıxmış Malayziya təyyarəsi Antarktidaya uçub".

Axar.az xəbər verir ki, bu barədə ABŞ-ın "Nyu York Deyli Nyus" qəzetinə açıqlamasında ekspert Malkolm Brenner deyib. Brenner təyyarənin pilotunun bir neçə manevr etdikdən sonra Antarktidaya doğru istiqamət aldığını bildirib.

Yoxa çıxmış Malayziya təyyarəsi ilə bağlı bu versiya daha ətraflı hadisənin ildönümündə "Nəşnl Geoqrafik" kanalında yayımlanacaq sənədli filmdə təqdim olunacaq.

Qeyd edək ki, Kuala-Lumpurdan Pekinə uçan Malayziya hava şirkətinə məxsus Boinq-777 təyyarəsi ötən il martın 8-də yoxa çıxıb. Göyərtəsində 239 nəfər olub.