"Üç ay sonra Rusiyanın qızıl valyuta ehtiyatları bitəcək".

Axar.az xəbər verir ki, bu açıqlama ilə ukraynalı ekspert Viktor Şevçuk çıxış edib.

O, məhz bundan sonra Rusiyada həyat səviyyəsinin düşəcəyini bildirib:

"Rusiyada həyat səviyyəsinin düşməsi bütün ölkə ərazisində total senzura və polis dövlətinin yaranmasına gətirib çıxaracaq. Bunun üçün isə üç səbəb var. Birincisi, Rusiya büdcəsinə yüklənmələr, təzyiqlər getdikcə artır. Bunlar isə daha çox ordu, polis və xüsusi təyinatlılar üçün sərf edilən böyük xərclərlə bağlıdır. İkincisi isə, iqtisadiyyatın korrupsiyalaşmasıdır. Belə ki ölkənin gəlirlərinin 70%-i bəlli olmayan istiqamətlərə axır. Nəhayət, üçüncü səbəb rublun kursunun saxlanılması üçün xərclənən pullardır. Bunlar isə artıq 100 gündən sonra bitəcək. "Krım bizimdir" deyə qışqıran ruslar artıq rəqəmləri düşünməyə başlamalıdır. Təsəvvür edin ki, təkcə son bir həftə ərzində Kremldəki hökumət rublun kursunu saxlamaq üçün ehtiyat fonddan 15 milyard dollar pul xərcləməli oldu".