Ən təhlükəli virus nifrətdir və bunun da cavabını verəcəklər.

Axar.az xəbər verir ki, bu sözləri Ukrayna Prezidenti Vladimir Zelenski xalqa çağırışında deyib.

“Vətəndaşlarımızın Çindən Ukraynaya gətirilməsindən dolayı sevincliyik. 2 həftəlik karantin müddəti boyunca sınaqdan keçəcəyik. Yalan xəbərlərə deyil, sağlam, məntiqli düşüncəyə inanacağıq. Unutmayın, ən qorxunc virus nifrətdir. Məqsədli şəkildə xalq arasında panika yaradanların olduğunu bilirik. Cavabını verəcəklər!” - deyə Zelenski bildirib.

Qeyd edək ki, ötən günlərdə Çindən 80-ə yaxın ukraynalı vətənlərinə gətirilmişdi. Onların Noviye Sanjari adlı bölgədə karantinə yerləşdirilməsi yerli əhalinin kəskin narazılığına səbəb olmuşdu.