ABŞ Prezidenti Barak Obama 2012-ci ildə Fələstin lideri Mahmud Abbası təhdid edib.

Axar.az xəbər verir ki, bu barədə məlumat "Əl-Cəzirə" kanalının ələ keçirdiyi kəşfiyyat sənədlərində yer alıb. Cənubi Afrikanın kəşfiyyat xidmətinə aid olan sənəddə 2012-ci ilin noyabrında Obama ilə Mahmud Abbas arasında telefon danışığının baş tutduğu qeyd olunub.

Obamanın telefon danışığı zamanı Fələstin liderini BMT-də müşahidəçi ölkə statusu almağa çalışmaması tələbilə hədə-qorxu gəlib.

Xatırladaq ki, elə həmin ilin noyabrında Fələstin BMT-də müşahidəçi ölkə statusu alıb.

Qeyd edək ki, "Əl-Cəzirə" kanalının ələ keçirdiyi sənədlərdə İsrailin, İngiltərənin, Rusiyanın və Cənubi Afrikanın kəşfiyyat orqanlarının məlumatları yer alır.