2020.02.23. 11:10

Məşhur həvəskar mühəndis “Ağılsız Mayk” ləqəbli Mayk Hyuz ABŞ-da keçirdiyi son sınağı zamanı ölüb.

Axar.az xəbər verir ki, bu barədə “Los Anceles Tayms” qəzeti məlumat yayıb.

Məlumata görə, şənbə günü Hyuz Kaliforniya ştatının Barstou şəhəri yaxınlığındakı səhrada öz raketi vasitəsilə 5 min fut hündürlüyə qalxmağı planlaşdırıb. Lakin raketin buraxılışı zamanı onun paraşütü işləməyib və o, həlak olub.

Qeyd edək ki, Mayk Yer kürəsinin müstəvi formasında olması nəzəriyyəsinə inanırdı. 2018-ci ildə verdiyi müsahibəsində Yerin disk şəklində olduğunu və kosmosa uçaraq buna əmin olacağını bildirmişdi.