"Putində belə bir təəssürat yarandı ki, Poroşenko biznesmendir və buna görə onu neytrallaşdırmaq asan olacaq".

Axar.az xəbər verir ki, bu açıqlama ilə Ukrayna Ali Radasının deputatı Taras Çornovil çıxış edib.

Çornovil Putinin Poroşenko ilə bağlı yanıldığını qeyd edib:

"Ukraynada keçirilən prezident seçkiləri nəticəsində Poroşenkonun qələbəsi Putini geri çəkilməyə vadar etdi. Onda belə bir gülünc fikir əmələ gəldi ki, Poroşenko biznesmendir, onu nəzarət altına almaq mümkün olacaq. Və Rusiya mətbuatı Poroşenkoya hücum etməyi dərhal dayandırdı. Sonra Rusiyada növbəti sosioloji sorğu göstərdi ki, Ukraynaya münasibət kəskin şəkildə yaxşılaşdı. Bundan sonra Poroşenko real hücumlara başladı və aydın oldu ki, heç bir dostluq və sevgi olmayacaq. Rusiya mətbuatının tonallığı yenidən dəyişdi və dərhal Rusiya cəmiyyəti Ukraynaya nifrət etməyə başladı".