Bu gün Pakistanın Taftan sərhəd-keçid məntəqəsi İranla nəqliyyat əlaqələri üçün müvəqqəti olaraq bağlanıb.

Axar.az xəbər verir ki, bu barədə Pakistan mediası məlumat yayıb. Məlumatda bunun İranda yayılan koronavirusla bağlı olduğu bildirilib.

İranda bu günə qədər 43 koronavirusla yoluxma hadisəsi qeydə alınıb, onlardan səkkizi ölümlə nəticələnib.

Pakistanın hökuməti daha əvvəl İranla həmsərhəd olan bütün ərazilərdə fövqəladə vəziyyət elan etmiş və zəvvarların Pakistandan bu ölkəyə getməsini qadağan etmişdi.