Ermənistan Baş naziri Nikol Paşinyan da İranda yayılan koronavirusa münasibət bildirib.

Axar.az xəbər verir ki, Paşinyan sosial şəbəkə vasitəsilə əhaliyə müraciət edib və hökumətin İranla sərhəddəki Meğri sərhəd-keçid məntəqəsini bağlayacağını açıqlayıb.

Paşinyan bəyan edib ki, İranla hava əlaqəsi də kəsiləcək.

Erməni baş nazir qərarın 2 həftə qüvvədə olacağını vurğulayıb.

Qeyd edək ki, İranda koronavirusa yoluxma halı artıb və bu virusdan 18 nəfər ölüb. Artıq Pakistan, Türkiyə, İraq İranla sərhəd-keçid məntəqələrini bağlayıb, Gürcüstan isə hava əlaqəsini dayandırıb.