İngiltərəli bioloq alimlərin tədqiqatlarına görə, qu quşlarının zehni insan yaddaşını üstələyir.

Axar.az bildirir ki, ingiltərəli alimlər qu quşları üzərində uzun tədqiqatlar apardıqdan sonra qəribə nəticə əldə ediblər. Qu quşları xüsusi foto-yaddaşa malikdir: onların ömürlərinin sonuna qədər cütlük halında yaşamaları bu nəticəyə əyani sübutdur.

Xatırladaq ki, qu quşlarından ibarət cütlükdən biri öldükdə, o biri özünü havadan yerə çırpır və ya ümumiyyətlə heç bir qida qəbul etməyərək, belə demək mümkünsə, intihar edir.

İnsan beynində mövcud olan milyardlarda yaddaş beyin neyronlarını əvəz edən hüceyrələrin bu məxluqlarda olması "şüursuz heyvan" anlamını qəti şəkildə inkar edir.

Çox güman ki, uzun illər müxtəlif ölkələrdə küt, yaddaşı zəif insanlar haqqında işlədilən "quşbeyin" ifadəsi bu nəticələrdən sonra öz qüvvəsini itirmiş olacaq.