Fransada eşqbazlıq etmək istəyənlər üçün "Gleeden" saytının "Həyat yoldaşını aldat" adlı reklam kampaniyalarının metro, avtobus dayanacaqlarında, reklam lövhələrində və sərnişin avtobuslarında aparılması fransızları həddindən artıq əsəbiləşdirib.

Axar.az xəbər verir ki, fransızların sərt reaksiyasından sonra şirkət reklamlarını hər yerdən yığışdırıb.

Şirkət sözçüsü Solana Peilet reklam kampaniyasını müdafiə edərək belə açıqlama verib: "Fransada həyat yoldaşlarının bir-birini aldatması qanunla qadağan olunmur".

Xatırladaq ki, Fransada qadınlar tərəfindən qurulan və 2009-cu ildən bəri fəaliyyət göstərən "Gleeden" aldatma saytı təxminən 2.5 milyon abunəçisi olmaqla Fransa, Almaniya, İtaliya, İspaniya və İngiltərə eşqbazlarının ən çox istifadə etdiyi saytlardandır.