"Rosneft" şirkətinin Poti limanının aksiyalarını qanuni yolla əldə etməsi ilə bağlı araşdırmanın nəticələri hələ bəlli deyil".

Axar.az xəbər verir ki, bu açıqlama ilə Gürcüstan baş nazirinin xüsusi nümayəndəsi Zurab Abaşidze çıxış edib.

O, "Rosneft"in hələ də Gürcüstan ərazisində fəaliyyət göstərdiyini bildirib:

"Bu şirkətlə bağlı əsas məqam onun fəaliyyətinin işğal edilmiş ərazilər haqqında qanuna zidd olması idi. "Rosneft"lə bağlı sual verənlər guya onun törəmə şirkətlərinin Abxaziyada çalışdıqlarını bildirirdilər. Ona görə də bizim mütəxəssislər hələ məsələni araşdırırlar".

Qeyd edək ki, "Rosneft" bir müddət öncə Xəzər qazının Qara dənizə çıxışını təmin edəcək "Petrocas Energy Limited" şirkətinin 49% səhmini alıb. Ekspertlər isə bunu Kremlin Qafqazda öz planlarını reallaşdırılmasında ilkin addımlardan biri olduğunu və bunun Bakıya ciddi təsiri olacağını bildirirlər.