Rusiya Suriyadakı qarşıdurmada daha çox Türkiyə ilə Suriya arasındakı dialoqda vasitəçi olaraq hərəkət edir. Çünki bu ölkələr açıq qarşıdurma istəmirlər.

Axar.az xəbər verir ki, bunu rusiyalı hərbi ekspert Oleq Jeltonojko bildirib.

İdlibdə açıq qarşıdurma ehtimalının çox az olduğunu deyən hərbi ekspert bunları qeyd edib:

“Əhəmiyyətli olan tərəflər arasında daimi təmasdır. Rusiyanın mövqeyi döyüşən tərəfləri təmkinli olmağa sövq etməkdir. Və bu mövqe işləyir. Suriyadakı müharibə zamanı bir neçə qarşıdurma oldu və hər dəfə bu vəziyyətdən çıxış yolu tapıldı. Rusiya tərəfi münaqişə riskini yumşaltmaq və azaltmağın mümkün olduğunu nümayiş etdirir".

Jeltonojko bildirib ki, Rusiya və Türkiyə üçün böhrandan çıxış yolu bütün tərəflərin maraqlarının nəzərə alınması və sülhün təmin edilməsidir.