Xocalıda törədilən qətliam 20-ci yüzilliyin ən vəhşi hadisələrindəndir.

Axar.az xəbər verir ki, bunu Türkiyənin müxalif Milliyyətçi Hərəkat Partiyasının sədri Dövlət Baxçalı deyib.

“Rəsmi rəqəmlərə görə, Xocalıda 613 soydaşımız şəhid edilib. Ermənilər Azərbaycan torpaqlarını işğala məruz qoyub. Bir milyon azərbaycanlı öz doğma torpaqlarından didərgin düşüb. Ermənistan hələ də türk torpaqlarından geri çəkilməyib. Dağlıq Qarabağ göz yaşı tökür.

Xocalıda soyqırım törədilib. Beynəlxalq ictimaiyyət bu qətliama göz yumur. Bu soyqırımı törədənlər hələ də cəzasını almayıb. Xocalı, Dağlıq Qarabağ, Azərbaycan - türkdür”, – Baxçalı bildirib.