Gələn həftə Pentaqon “Çin-Rusiya Birliyi” mövzusunda gizli müzakirələrə start verəcək.

Axar.az Sputnik-ə istinadən xəbər verir ki, bu haqda məlumat çərşənbə günü Pentaqonun Federal Reyestrində nəşr olunub.

“3-4 mart 2020-ci il tarixində Müdafiə Siyasəti Şurası Çin-Rusiya mövzusu ilə əlaqədar milli təhlükəsizlik məsələləri ilə bağlı təsnifat müzakirələri aparacaq”, - məlumatda bildirilib.

Məlumata görə, gizli müzakirələr Pentaqonda baş tutacaq və məruzəçilər arasında yüksək səviyyəli kəşfiyyat məmurları, Müdafiə və Xəzinədarlıq Departamentinin rəsmiləri, eləcə də mütəxəssislər iştirak edəcək.

İştirakçılar perspektivləri müzakirə edəcək, Rusiya ilə Çin arasındakı münasibətlər barədə gizli məlumatları nəzərdən keçirəcəklər.