Rusiya Müdafiə Nazirliyi Böyük Vətən Müharibəsində Qələbənin 70 illiyi ilə əlaqadar bir sıra maraqlı sənədləri açıqlayıb.

Teleqraf.com bildirir ki, naziriliyin bununla bağlı yaratdığı pobeda.ru saytında Hitler Almaniyasının 2-ci Dünya Müharibəsindəki ən məşhur sənədi – Barbarossa planının orjinalı yerləşdirilib.

Müharibədən sonra Hitlerin bunkerindən qənimət kimi ələ keçirilən bu sənəd SSRİ-yə qarşı elan edilən müharibənin əsas planı olub.

1941-ci ildə Hitlerin təsdiq etdiyi Barbarossa planına əsasən, "ildırımsürətli müharibə" taktikası ilə SSRİ 3 ay ərzində işğal olunmalı idi. Xəritədə alman-faşist və sovet ordusunun yerləşmə yerləri, hücum obyektləri və qoşun, texnikanın hərəkət istiqamətləri əks olunub.