10:44

İran uğurlu bir əməliyyatla Türkiyə və Rusiyanı üz-üzə qoydu.

Bu sözləri Axar.az-a açıqlamasında türkiyəli ekspert Həsən Oqtay İdlibdə türk əsgərlərinə edilən hücumu şərh edərkən deyib.

Onun sözlərinə görə, bu hücumu İran reallaşdırıb:

“Rusiya yaydığı rəsmi bəyanatda bu hücumu rus qüvvələrinin etmədiyini və hücumda Rusiyaya məxsus təyyarədən istifadə olunmadığını açıqladı. Türk əsgərlərinə hücum İran əsgərləri tərəfindən edilib və bu, Tehranın son həmləsi olacaq”.

Ekspert baş verənlərdən sonra Türkiyənin qarşıdurmanı diplomatiya yoluyla aradan qaldıracağını da vurğulayıb.

Qeyd edək ki, Əsəd rejimi ötən gecə Türkiyə əsgərlərinə hücum edib, nəticədə 33 türk əsgəri şəhid olub.