"Krımda artıq 40 min Rusiya hərbçisi var".

Axar.az xəbər verir ki, bu açıqlama ilə Krım tatarlarının lideri Mustafa Cəmilov çıxış edib.

O, Rusiyanın yarımada ərazisində nüvə anbarlarını yenidən bərpa etdiyini bildirib:

"Təkcə Cankoye ərazisində Rusiyanın 60 hərbi təyyarəsi var. Yalta yaxınlığında sovet dövründə olan nüvə anbarları yenidən bərpa edilir. Bizə məlumat veriblər ki, artıq buraya raketlər gətirilir. Bunlar isə nüvə başlığı daşımağa qadirdirlər".

Qeyd edək ki, bundan bir müddət öncə Rusiya Xarici İşlər naziri Sergey Lavrov Rusiyanın Krımda nüvə silahları yerləşdirəcəyini bildirmişdi.