Donald Trampla Rəcəb Tayyib Ərdoğan arasında baş tutan telefon danışığı zamanı müzakirə edilən məsələləri bu gün ABŞ Dövlət katibi Mayk Pompeo ilə də dəyərləndirdik.

Axar.az xəbər verir ki, bunu Türkiyə Xarici İşlər naziri Mövlud Çavuşoğlu jurnalistlərə açıqlamasında deyib. O bildirib ki, qarşıdakı günlərdə yenidən əlaqə saxlayacaqlar:

"Mayk Pompeo ABŞ-a geri döndükdən sonra yenə bir dəyərləndirmə edəcəyik. Eyni zamanda Tramp bir neçə gün ərzində prezidentimizlə əlaqə saxlayacağını bildirmişdi. Onsuz da daim əlaqə saxlayırlar".

M.Çavuşoğlu ABŞ-ın "Patriot"ları göndərə biləcəyini də qeyd edib:

"Patriot"lara ehtiyac ortadadır. ABŞ geri göndərə bilər".

Qeyd edək ki, ötən gün Türkiyə Prezidenti Rəcəb Tayyib Ərdoğanla amerikalı həmkarı Donald Tramp arasında telefon danışığı baş tutub.