10:00

İdlib səmalarında Türkiyə dronları müharibənin gedişatını dəyişib.

Axar.az xəbər verir ki, bunu İdlibdə çəkilişlər aparan rusiyalı hərbi jurnalist deyib.

“Buradan belə görünür ki, Türkiyə dövləti pilotsuz uçuş aparatları (PUA) üçün kk qırıcıların ülli miqdarda pul xərcləyir. Suriya əsgərləri PUA-lar tərəfindən vurulmaması üçün hərbi avtomobillərini gizlədir. Hətta vəziyyət o yerə çatıb ki, türk PUA-ları hərəkət edən hər şeyi vurur. Buna rejimə məxsus hərbi konvoy, avtomobillər, hətta motosiklet də daxildir”, - jurnalist bildirib.

O vurğulayıb ki, vəziyyət olduqca pisdir və əgər türk dronları üçün Suriya səması bağlanmasa, rejim qüvvələrinin taleyini təsəvvür edə bilmir.

Astana razılaşmasına görə, türk qırıcıları və helikopterləri Suriya səmasına daxil olmur. Buna görə də türk ordusu hazırda daha çox dronlardan istifadə edir.

Suriya ordusunun hücumu ilə 33 türk əsgərinin şəhid olmasının ardından Türkiyə qisas əməliyyatına başlayıb. Bu vaxta qədər Suriya rejiminin 2100-dən artıq əsgəri, o cümlədən çoxsaylı hərbi texnikası məhv edilib.