Əfqanıstanın şimal-şərqində olan Pəncşir vilayətində qar uçqunu baş verib.

Axar.az xəbər verir ki, uçqun nəticəsində 124 nəfər həlak olub.

Pəncşir qubernatoru Əbdül Rəhman Kəbiri açıqlama verərək iki gündən bəri həddindən artıq qar yağması nəticəsində şəhərin müxtəlif bölgələrində onlarla qar uçqununun baş verdiyini və indiyə qədər 128 nəfərin həlak olduğunu bildirib. Təxminən 40 nəfərin yaralandığını bildirən Kəbiri onlarla adamın hələ də qar uçqunu altında qaldığını və axtarışların davam etdiyini qeyd edib.

Qeyd edək ki, Əfqanıstanın mərkəz və şimal hissəsində meydana gələn uçqunlar nəticəsində hər il yüzlərlə adam həlak olur.