"Ukraynanın şərqində tam barışığın baş tutması üçün onilliklər lazım olacaq".

Axar.az xəbər verir ki, bunu Almaniyanın Xarici İşlər naziri Frank Valter Ştaynmayer söyləyib.

O, yaxın gələcəkdə Ukrayna məsələsinin siyasi həllinin nəticəsi olduğunu bildirib:

"Ukrayna məsələsinin siyasi həllinə nail olmaq üçün yeni nəsil tələb oluna bilər. Lakin mən Yer kürəsini gözümdə canlandıranda və Suriya, Liviya, İraq kimi ölkələri yadıma salanda Ukrayna münaqişəsinin bunlardan fərqli olaraq yeganə həllə meylli konflikt olduğunu görürəm. Ukrayna məsələsi hazırda sakit faza kimi çıxış edir. Yaxın gələcəkdə biz bu münaqişənin siyasi həllinin nəticəsini görə biləcəyik".