"Rusiyanın Abxaziya və Cənubi Osetiyadakı separat rejimlərlə müqavilə imzalaması onun bu əraziləri tədricən, addım-addım anneksiya etmək niyyətinə şahidlik edir".

Axar.az xəbər verir ki, bu açıqlama ilə Gürcüstanın Baş naziri İrakli Qaribaşvili çıxış edib.

O, hazırda Ukrayna böhranının böyük narahatlığa səbəb olduğunu bildirib:

"Bu dəqiqə Ukrayna böhranı Avropa qitəsində təhlükəsizliklə bağlı vəziyyəti pisləşdirir. Mən deyərdim ki, Rusiyanın Abxaziya və Cənubi Osetiyadakı separat rejimlərlə müqavilə imzalaması onun bu əraziləri tədricən, addım-addım anneksiya etmək niyyətinə şahidlik edir".

Qeyd edək ki, Rusiya fevralın 4-də Abxaziya ilə müttəfiqlik və strateji tərəfdaşlıq haqqında müqavilə imzalayıb. Yaxın zamanda Cənubi Osetiya ilə də belə bir müqavilənin imzalanması nəzərdə tutulub.