Rusiyanın Krasnokamsk şəhərinin sakinləri sosial problemlərini həll etmək üçün ölkə Prezidenti Vladimir Putinin adından istifadə etmək qərarına gəliblər.

Axar.az xəbər verir ki, şəhər sakinləri "Putinin adını ver, təmiz su al" kampaniyası başladıblar. Onlar şəhərdəki sosial problemlərin ad dəyişikliyi ilə həll ediləcəyini düşünürlər.

Kreml isə şəhərə Putinin adının verilməsinə qarşı çıxıb. Kremlin sözçüsü Dmitri Peskov şəhər sakinlərinə problemlərini həll etmək üçün başqa işlər görmələrini məsləhət bilib.

Qeyd edək ki, Rusiya qanunvericiliyinə görə, şəhərin adının dəyişdirilməsi mümkündür. Bunun üçün şəhər sakinləri tərəfindən 11 aprelə qədər 3541 imzanın toplanması lazımdır. Lakin Kremlin açıqlamasından sonra bu cəhdin uğursuz olacağı bildirilir.