ABŞ-da yaşayan və Amerika vətəndaşı olan Avicit Roy həyat yoldaşı ilə birlikdə kitab sərgisində iştirak etmək üçün getdiyi Banqladeşin paytaxtı Daqqada hücuma məruz qalıb. Məşhur ateist kimi tanınan banqladeşli yazar parça-parça edilərək öldürülüb.

Axar.az BBC-yə istinadən xəbər verir ki, yazar və həyat yoldaşına hücum edən qrup Royun özü kimi bloq yazarı olan həyat yoldaşı Rafidə Əhmədi də ağır yaralayıb. Ateist yazar bloqunda dindarlığa qarşı həddən artıq yazılar yazdığına görə, 2013-cü ildə Daqqadakı evi yaxınlığında sui-qəsdə uğramışdı.

Polis hələ hücum edənlərin kimliyi ilə bağlı açıqlama verməsə də, Royun dünyəviliyi müdafiə edən yazıları üzündən təhdid edildiyini açıqlayıb.

Qeyd edək ki, əksəri müsəlmanlardan ibarət 160 milyon əhalisi olan Banqladeşdə daha əvvəl də buna oxşar hücumlar olub, polis bu hücumların arxasında radikal dindarların olduğunu söyləyib.

2014-cü ildə də yenə eyni kitab sərgisində iştirak edən Hümayun Azad adlı başqa bir yazar da evinə qayıdarkən uğradığı hücumda ağır yaralanıb.