Beynəlxalq terror təşkilatını maliyyələşdirməkdə ittiham olunan azərbaycanlı saxlanılıb.

Axar.az xəbər verir ki, İŞİD terror qruplaşmasına maliyyə yardımı edən şəxs Rusiyanın Lipetsk vilayətinin sakini, alma satan azərbaycanlıdır. Rusiya hüquq-mühafizə orqanlarının araşdırmasından sonra sözügedən şəxs haqqında "Terror fəaliyyətinə yardım" maddəsi ilə cinayət işi qaldırılıb.

İlkin məlumata görə, azərbaycanlı iş adamı əldə olunan vəsaiti Türkiyədəki terrorçu ekstremist təşkilata ötürürmüş. Azərbaycanlı satıcını 5 ildən 10 ilədək azadlıqdan məhrumetmə cəzası və 500 min rubl (8500 manat) məbləğində cərimə gözləyir.