İspaniya rəsmiləri koronavirusdan bir gecədə 400-ə yaxın yeni ölümün müşahidə olunduğunu açıqlayıb.

Axar.az xəbər verir ki, hazırda İspaniyada koronavirus infeksiyasından ölənlərin ümumi sayı 1700-dən çoxdur.

Hindistan hökuməti isə ölkə ərazisindəki bir milyarddan çox insanın hərəkətini məhdudlaşdıraraq, ümummilli komendant saatı tətbiq edib. Dehli əyalət hökuməti 23 martdan başlayaraq, paytaxtdakı əsas ərazilərin doqquz günlük bağlanmasını əmr edib.

Qeyd edək ki, ABŞ-da fəaliyyət göstərən Cons Hopkins Universiteti tərəfindən toplanmış məlumatlara əsasən koronavirus 13.000-dən çox insanın ölümünə səbəb olub. Qlobal miqyasda xəstəliyə yoluxmuş 304.500 insandan təxminən 92.000-i isə sağalıb.