ABŞ Türkiyənin müstəqil siyasət yürütməsini və onun icazəsi olmadan Rusiya ilə böyük sazişlər imzalamağa başlamasını qəbul edə bilmir.

Axar.az xəbər verir ki, bunu rusiyalı ekspert Konstantin Antonov Sputnik-ə açıqlamasında deyib. O bildirib ki, ABŞ böyük ehtimalla Türkiyə ilə Rusiyanı Suriyada "xarici əllərlə" bir-birinə qarşı qaldırmaq səyini davam etdirəcək:

"ABŞ-ın fikrinə görə, əgər Türkiyə ondan uzaqlaşırsa, demək, mütləq Rusiyaya yaxınlaşır. Bu yaxınlaşma onlarda çox pis reaksiyaya səbəb olur. Çünki Türkiyə ilə Rusiya nə zaman ortaq iş görsə, ortaya böyük layihələr çıxır. Məsələn, S-400, Türk Axını, İdlib razılaşması... 20 il əvvəl Türkiyənin bunları edəcəyi ağıla gəlməzdi. Ankara Vaşinqtonun ənənəvi müttəfiqi idi. Bu səbəbdən İdlib sazişi ABŞ-ı əsəbləşdirir".