"Rusiya Ukrayna məsələsində mövqeyini dəyişsə belə, ABŞ soyuq müharibəni bitirməyəcək".

Axar.az xəbər verir ki, bu açıqlama ilə Rusiya Dumasının Xarici Məsələlər üzrə Komitəsinin sədri Aleksey Puşkov çıxış edib.

O bu müharibədə Vaşinqtonun əsas məqsədinin Rusiyadakı siyasi rejimi dəyişdirməkdən ibarət olduğunu bildirib:

"Hazırda Amerikada olan anti-Rusiya əhval-ruhiyyəsi hətta Reyqan dövründə olmayıb. Rusiyada heç bir kütləvi hərəkat ABŞ-ın əsiri olmayacaq. Məsələn, hazırda Mixail Xodorkovski Almaniyada "Fridom Hauz"un baş qərargahında faktiki olaraq özünün prezidentlik kampaniyasına başladığını bəyan edib. Bunun maliyyələşdirilməsinin 90%-ni isə ABŞ Dövlət Departamenti həyata keçirir. Onun ABŞ-ın irəli sürdüyü şəxs olması Rusiyada uğur qazanmasına yardım etməyəcək".