Rusiyanın görkəmli teatr və kino aktyoru, rejissor, SSRİ xalq artisti Yuri Salomin dünən gecə xəstəxanaya aparılıb.

Report xəbər verir ki, Rusiya mətbuatına istinadən xəbər verir ki, Yuri Salomin öd kisəsinin daxili qanaxması və kəskin xolestit diaqnozu ilə xəstəxanaya yerləşdirilib. Hazırda SSRİ xalq artistinin vəziyyəti qənaətbəxşdir. "Malıy Teatr" ın baş direktoru Tamara Mixaylova bildirib ki, Yuri Salomin son zamanlar işlərinin çoxluğu ilə əlaqədar olaraq sağlamlığına diqqət etməyib. Bu səbəbdən aktyorun vəziyyəti qəfildən pisləşib.

Qeyd edək ki, Yuri Salomin 1935-ci ildə anadan olub. Tamaşaçılara "Adi möcüzə" , "Əlahəzrətin yavəri" , "Əlvida Gülsara", "Qağayı" və digər filmlərdən yaxşı tanış olan Yuri Salominin qardaşı mərhum Vitaliy Salomin də tanınmış aktyor olub.

Yuri Salomin 1990-91-ci illərdə Rusiyanın mədəniyyət naziri olub. 1988-ci ildən "Malıy Teatr"ın rəhbəridir.