Rusiya Federasiyasında koronavirus səbəbindən tətbiq olunan karantin qaydalarının pozulmasına görə cəzanın artırılmasını dəstəkləyirəm. Dünya praktikasında cərimələr və həbs cəzaları da tətbiq olunur.

Axar.az xəbər verir ki, bunu Rusiya Dövlət Dumasının üzvü Oleq Bıkov deyib.

“Koronavirus pandemiyası operativ müqavimət tələb edir. Ən mühüm addım karantin tədbirlərinin pozulmasına görə cəzanın sərtləşdirilməsinə yönəlmiş zəruri qərarların hazırlanması və qəbul edilməsidir. Bugünkü vəziyyət koronavirus infeksiyasının yayılmasına qarşı ölkədə tətbiq olunan tədbirlərə məsuliyyətli münasibət tələb edir”, - Bıkov bildirib.

Qeyd edək ki, Rusiya Baş naziri Mixail Mişustin Ədliyyə, Daxili İşlər və İqtisadi İnkişaf nazirliklərinə karantin qaydalarının pozulmasına görə cəzanın sərtləşdirilməsi ilə bağlı təkliflərini martın 25-dək vermələrini tapşırıb.