Malatya vilayətinin Akçadağ mahalında 4 pilotun öldüyü təyyarə qəzası ilə bağlı görüntülər yayılıb.

Publika.az Türkiyə mediasına istinadən xəbər verir ki, görüntülərdə qəzaya uğrayan 2 ədəd "RF-4E" kəşfiyyat təyyarəsinin təpəyə dəydiyi görünür.

Görüntülər hadisə yerindən bir neçə kilometr məsafədə yerləşən evin təhlükəsizlik kamerasından çəkilib. Türkiyə Silahlı Qüvvələri Baş qərargahından da hadisədən sonra verilən açıqlamada təyyarələrin havada toqquşmadığı bildirilmişdi. Təyyarələrin qəzaya uğradığı vaxt böyük bir alov topu yaranır və bu təxminən 10 saniyə davam edir.

Xatırladaq ki,"RF-4E" kəşfiyyat təyyarələri fevralın 27-də təlim uçuşları zamanı qəzaya uğramışdı.