Gürcüstanın Samsxe-Cavaxetiya bölgəsində atışma baş verib.

Axar.az xəbər verir ki, insident yerli vaxtla 15:40-da Axalkalaki şəhərində hakim Gürcü Arzusu Partiyasından olan Enzel Mikoyanın evi qarşısında baş verib. Hələlik kimlərin atış açması və kimlərin xəsarət alması barədə heç bir məlumat yayılmayıb.

Qeyd edək ki, Enzel Mikoyan erməni əsilli deputatdır. O, Gürcüstandakı erməni icmasının əsas liderlərindən sayılır. Belə ki, Mikoyan Gürcü Arzusunun lideri Bidzina İvanişvili ilə yaxın əlaqələrə sahibdir. Digər tərəfdən Mikoyan Gürcüstanın Rusiya ilə münasibətlərinin düzəlməsini istəyən əsas şəxslərdən sayılır.