Avropa Birliyi (AB) yeni tip koronavirus böhranının başlanğıcında üzv ölkələrin birtərəfli davranışına görə boşluqda qaldı.

Axar.az xəbər verir ki, bunu Avrokomissiyanın rəhbəri Ursula fon der Leyen deyib.

O bildirib ki, AB ölkələrinin sərhədlərini birtərəfli bağlaması virusun yayılmasının qarşısını ala bilmədi:

“Buna baxmayaraq, sərhədlərin bağlanması bir çox şirkətə zərər verdi və əsas tədarük zəncirlərinə mənfi təsir göstərdi. İndi hər bir AB ölkəsinin tərəfdaşlarının köməyi ilə vəziyyətin daha yaxşı olacağına dair ümidi var”.