Liviyada Milli Razılıq Hökumətinə bağlı qüvvələr marşal Xəlifə Haftarın daha bir generalını zərərsizləşdirib.

Axar.az xəbər verir ki, bu barədə Milli Razılıq Hökumətinə bağlı qüvvələrin sözçüsü Məhəmməd Kununu bildirib.

O deyib ki, paytaxt Tripolinin şərqindəki Veşka bölgəsində aparılan əməliyyat çərçivəsində Haftara bağlı Sirt qərargah komandiri, general Səlim Diryak və köməkçisi, 110-cu batalyon komandiri Qəddafi əs-Sədai məhv edilib.

Qeyd edək ki, Haftara bağlı KİV general və köməkçisinin Türkiyə PUA-ları tərəfindən vurulduğunu iddia edib.