Gürcüstanda son 12 saat ərzində daha 5 nəfər koronavirusa yoluxub.

Axar.az xəbər verir ki, bu barədə Gürcüstan hökumətinin koronavirusla əlaqədar yaratdığı “stopcov.ge” saytı məlumat yayıb.

Məlumatda bildirilir ki, bununla da Gürcüstanda koronavirusu yoluxanların sayı 90 nəfərə çatıb. Ölkədə 4534 nəfər karantin rejimində, 276 nəfər isə həkim nəzarətində saxlanılır. Həmçinin 16 nəfər koronavirusdan sağalıb.

Qeyd edək ki, Gürcüstan Müdafiə Nazirliyinin Milli Qvardiyasının 6 mülki əməkdaşında da koronavirus aşkarlanıb. Bütün xəstələr nazirliyin xəstəxanasına yerləşdiriliblər. Bununla əlaqədar Gürcüstanın Müdafiə Nazirliyi təhlükəsizlik tədbirlərini gücləndirib.