Gürcüstan hökumətinin keçmiş prezident Mixail Saakaşvilinin Avropada yaşayan gürcülərin Gürcüstana qaytarılması ilə bağlı köməyinə ehtiyacı yoxdur.

Axar.az xəbər verir ki, bunu Gürcü Arzusu Partiyasının baş katibi Kaxa Kaladze deyib.

“Müəyyən addımlar atdıq, uçuşlar həyata keçirdik. Bizim Vahid Milli Hərəkat və Mixail Saakaşvilidən yeganə xahişimiz odur ki, yalan danışmağı dayandırsın. Bu, hazırkı vəziyyətdə ən böyük kömək olardı. Əgər əlavə təxirəsalınmaz tədbirlərə ehtiyac olarsa, bunu edəcəyik, hələlik isə buna ehtiyac yoxdur”, - Kaladze bildirib.

Qeyd edək ki, Mixail Saakaşvili Gürcüstan hökumətinə Avropada qalan minə yaxın gürcünün ölkəyə pulsuz çatdırılması ilə bağlı köməyini təklif etmişdi.