Bu gün "Çiçəklənən Ermənistan" partiyasının 8-ci konqresi keçirilib.

Axar.az xəbər verir ki, partiyanın lideri, oliqarx Qaqik Çarukyan aktiv siyasətdən getdiyini elan edib.

Onun yerinə isə Naira Zöhrabyan partiyanın yeni rəhbəri seçilib.

Xatırladaq ki, Ermənistanda ötən ay prezident Sərkisyanla oliqarx Qaqik Çarukyan arasında siyasi vəziyyət gərginləşmişdi. Sərkisyan Çarukyanın siyasətdən getməsi ilə bağlı ona və ətrafına qarşı siyasi repressiyalar aparmış, nəticədə Sərkisyanla müxalifət lideri arasındakı görüşdən sonra müəyyən razılıq əldə olunmuşdu.

Qeyd edək ki, Naira Zöhrabyan uzun illər jurnalist işləyib və 2007-ci ildən siyasi fəaliyyətə başlayıb.