13:36

Avropa Parlamentinin Yaşıllar-Avropa Azadlıq Alyansı fraksiyasının üç üzvü AB rəhbərliyindən Rusiyanın koronavirusla bağlı yaydığı dezinformasiyaları araşdırmağı tələb ediblər.

Axar.az xəbər verir ki, avrodeputatlar məktublarında Rusiya ilə yanaşı Çinin təbliğat və dezinformasiyalarından da narahat olduqlarını bildiriblər.

“Aydındır ki, Avropa Birliyini parçalamaq və yerli əhali ilə qonşuları arasında etimadsızlıq yaratmağa cəhd edilir”, - məktubda qeyd edilib.

Bununla belə deputatlar dezinformasiya fəaliyyəti ilə bağlı heç bir fakt göstərməyiblər.

Qeyd edək ki, Avropa Xarici Siyasət Xidmətinin hesabatında da Rusiya mediasının koronavirusla bağlı dezinformasiya yaydığı və təşviş yaratdığı bildirilmişdi.